Is barsaat me jaise koi kaanta paani rokna chaahe to bhi rok nahin paata...
Mera waqt bhi kuch aisa hi hai..achha rehta hai per tham nahin jaata...
Baadal garajte hain toh log kehte hain ki mausam achha hai..
Ye to us baadal ke gham ka aaghaaz hai jo wo apne aansu rok nahin paata...
Ye boondein bhi saari tasweerein taazi krti ja rahin...waqt tha wo aur insaan hu main...itni jaldi yaadon ko bhool nahin paata...
Ghar basaane chala hu ab per ghosle k liye tinka nahin milta..
Garam hawa ke thapede uda gaye sab per ye jaan kar bhi gharonda main bhool nahin paata...
Bahot thakaan sii hai..ab jaan bhi nahin..udta tha kabhi mujh sa parinda jo ab chal bhi nahin paata...
Tumhaare aane se fark to pada tha per tum khud bhi zakhmi ho...pehle shayad tumhe sanwaarenge fir khud ko..zindagi hai aur isme khyal nahin rakha to koi bhi aksar ruk nahin paata..koi bhi isme aksar ruk nahin paata...sab chale jaate hain...koi paas hota hai toh koi dur hai jaata...
- आर्यन